Liskarrean hasi dute ikasturtea sindikatuek eta Eusko Jaurlaritzak, eta zaila izango da alde biak laster batean elkarrekin konpontzea, Araba, Bizkai eta Gipuzkoako sektore publikoan 150.000 langile deituak baitituzte ELA, LAB, CCOO, SATSE, Steilas eta ESK sindikatuek.

Urriaren 25erako eta abenduaren 19rako deitutako greba egun horiei buruz galdetu zioten atzo Bingen Zupiria Eusko Jaurlaritzako eledunari, astearteroko gobernu bileraren ostean. Gobernuaren iritzia ematearekin batera, Zupiriak, nolabait, interpelazioa gizartera ere zabaldu nahi izan zuen.

Haren arabera, gobernuari gustatuko litzaioke jakitea zer iritzi duen gizarteak greba egunei buruz;«ea [gizarteak] ulertzen dituen eta haiekin bat egiten duen, deialdiek eragin zuzena izango baitute gobernuaren, aldundien eta udalen zerbitzuetan, eta baita osasungintza eta hezkuntza bezalako oinarrizko zerbitzuetan ere».

Edonola ere, gobernuak uste du greba egiteko arrazoiak Jaurlaritzaren eskumenetatik kanpo dauden eremuei dagozkiela. Sindikatuek, besteak beste, %10eko soldata igoera eskatzen dute langile publikoentzat, erosteko ahalmena berreskuratzeko. Eta horri buruz, Zupiriak esan zien guztiek dakitela estatuko aurrekontu orokorren legean jasotako soldata mugek administrazio publiko guztiak behartzen dituztela eta, beraz, baldintzatzen dituztela estatuko langile publiko guztientzako soldata igoerak.

Aurrekontu Orokorren Legean jasotako hiru urterako soldata igoera horiek Espainiako Gobernuarekin CCOOk eta UGTk adostu zituztela gogoratu zuen Zupiriak. «Eta derrigorrez bete beharrekoak dira Espainiako Estatuko administrazio publiko guztientzat, baita Eusko Jaurlaritzarentzat eta bere erakundeentzat, aldundientzat eta udalentzat ere».

Akordioaren bidea

Grebetara deitu duten sindikatuen beste aldarri nagusietako bat %8ko behin-behinekotasunarena da, eta, horri buruz, Jaurlaritzaren bozeramaileak adierazi zuen administrazio publiko guztiek dutela —alegia, Jaurlaritzak, aldundiek, udalek— «ezegonkortasun» hori murrizteko konpromisoa; «horretarako hainbat lan eskaintza publiko egin dira».

Eskaintza horien helburua, Zupiriaren arabera, hutsik geratu diren lanpostuak betetzea izan da; beste kasu batzuetan, Osakidetzaren moduan, langile taldeak handitu dira; eta, bestalde, lanpostuak kontsolidatzeko prozesu oso bat ere zabaldu da. «Hori da sindikatuen aldarriei eman diegun erantzuna. Edonola ere, gobernuak konpromisoa du euskal zerbitzu publikoak hobetzeko, eta uste dugu elkarrizketa eta akordioak direla bidea, eta ez konfrontazioa».

BILBO. Finantza entitate batzuk hasiak badira ere bezeroei gordailuengatik ordaina eskaintzen, horiek «lehen pausoak» soilik dira Eusko Jaurlaritzarentzat, eta bankuek gehiago egin behar dute pasiboen ordainketan. Horregatik, bankuak bilera batera deituko ditu gobernuak, gaiaz hitz egitera.

Hori jakinarazi zuten atzo Pedro Azpiazu Ekonomia eta Ogasun sailburuak eta Javier Hurtado Turismo, Merkataritza eta Kontsumo sailburuak. Haien ustez, bankuek nabarmen hobetu dute errentagarritasuna, besteak beste EBZren tasen igoerarekin, eta «arrazoizkoa da» horien zati bat aldatzea gordailuen ordainetara.

Antza, sagar-bilketan ari zen. Ertzaintzak ikerketa zabaldu du, istripua nola gertatu den argitzeko.

5,1 milioi euro baino gehiago Euskadiko landa-eremuen sustapen eta garapen ekonomikorako, biztanleen bizi-kalitate hobetzen dela bermatzeko (Gobernu Bilera 2023-9-19)

Bilboko Aireportuak 75 urte bete ditu. 120 milioi bidaiari baino gehiago igaro dira 1948tik Txorierriko bailarako azpiegituratik.

EAEko ekonomia % 1,5 hazi zen 2023ko bigarren hiruhilekoan. Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta. Hazkundea % 1,5ekoa izan zen; guztira, 2022ko bigarren hiruhilekoan baino 14.270 lanpostu gehiago.

EAEko langileen % 94k hitzarmena du indarrean, 2012tik izan den daturik onena. Langileen % 52,9k hitzarmenak eguneratuta zituzten lehen seihilekoaren amaieran, eta % 6,2k, behera eginda.

Martxan jarri dute Armintzan DemoSATH, Espainiako lehen itsas aerosorgailu flotatzailea. Proiektu pilotu horrek bi urtez bilduko ditu plataformaren funtzionamenduari eta mantentze-lanei buruzko datuak.

INE Espainiako Estatistika Institutuak azken bi urteotako datu ekonomikoak berrikusi ditu eta pandemia osteko hazkundea iragarritakoa baino handiagoa izan zela ondorioztatu. Barne Produktu Gordina % 6,4 igo zen 2021ean, eta % 5,8, 2022an.

Segurtasun Sailak dio “harremanetan” daudela Ertzaintzako sindikatuekin, baina “urratsik” egin gabe. Rodrigo Gartziak esan du oraindik ez dagoela datarik jarrita Segurtasun sailburuak iragarritako bilera egiteko, baina “sailburuak sindikatuekin batzartzeko prestutasunari eusten dio”.