Traktoreak berriro Iruñean gaur, 2024ko otsailaren 16an, nekazariek Foru Gobernuarekin duten bileraren atariko. Nekazariak “nahiko pozik” atera dira Nafarroako Gobernuarekin egindako azken bileratik.

Ibilbide luzeko lineei dagokienez, Donostia eta Bilbo arteko konexioak % 21,55 egin du gora, eta milioi bat bidaia baino gehiago egin ditu lehen aldiz. Loiuko aireportuarekiko konexioak, berriz, % 18,35 egin du gora, 350.000 bidaia inguru eginez.

Gainera, azaldu du maiatzaren amaierara arte mantenduko dituztela langile-taldea murrizteko planaren barruko “neurri ez-traumatikoak”.

Euripean, ehunka nekazarik eta haien senideek lehen sektorearentzat «errespetua» eskatu dute Iruñeko erdiguneko kaleetan barna. Oraingoan ere traktoreak atera dituzte kalera, eta nekazaritzaren etorkizuna jokoan dagoela adierazteko manifestazioaren buruan haurrak joan dira, jostailuzko traktore eta guzti. Otsailaren 6an ekin zioten mobilizazio oldeari Nafarroan, eta, horregatik, orain Otsailaren 6a plataforma deitzen zaio lehen egunetan Whatsapp bidez mobilizatutako nekazariek osaturiko taldeari. Haien artean UAGN eta EHNE sindikatuetako kide batzuk ere badaude. Mobilizazioari ekin aurretik, UAGNk, EHNEk eta UCAN kooperatiba elkarteak askatasuna eman diete bere afiliatuei nahi izanez gero mobilizazioan parte har dezaten. Antoniutti parketik abiatu da manifestazioa. 18:00etarako zeuden deituta, baina Espainiako Gobernuaren ordezkaritzari jakinarazi zioten 18:30ean hasiko zirela. Ordu erdiko atzerapenarekin hasi dira, hortaz. Manifestazioa armadaren etorbidetik barna joan da Vianako Printzearen plazarantz, Gazteluko plazan amaitzeko. Tokiko produkzioari eta inportazioei kontrol neurriak jartzea aldarrikatu dute. «Landa eremua, batua, inoiz ez da izango garaitua», oihukatu dute, beste aldarrien artean. «Gure aldarrikapenak, zure osasuna» izan da beste aldarrietako bat. Gainerakoan, protesta isilik joan da, eta plazako kioskoan agiri bat irakurri dute. Bihar eguerdian bilera izango dute laborariek Jose Mari Aierdi Nafarroako Gobernuko Landa Garapeneko kontseilariarekin eta Jose Luis Arasti Ekonomia eta Ogasun kontseilariarekin. Aldarrikapenen artean, hainbat zerga neurri daude, eta, arlo hori Nafarroako Gobernuaren eskumena denez, akordiora iristeko aukerak daude. Aierdik atzo argi utzi zuen ez direla modulu bidezko sistemara itzuliko. Laborariek ohartarazi dute bileran akordiora iristen ez badira protestekin jarraituko dutela.

«Kultur izpien» egitaraua aurkeztu dute gaur Azpeitiko Ikastola Ikasberriko arduradunek, ikasleen ondoan: Kilometroak 2024 jaiaren inguruan urte osoan egingo diren ekitaldien sorta. «Helburu handidun» ekintza «xume» asko izango dituela nabarmendu dute. Azpeitian egingo da aurten Gipuzkoako Ikastolen jaia. Egitaraua herriko nahiz kanpoko eragileekin izandako harremanen «emaitza» dela nabarmendu dute. Jaiarentzat aurten hautatu dituzten hiru ardatzetan sakontzeko era emango dute: euskararen, kulturartekotasunaren eta herrigitzaren inguruan egituratu dituzte guztiak. «Kanpora begirako» ekitaldiak izango dira, baina, era berean, ikastolako komunitateak «barrura begirako» lanketak egingo ditu ekintza bakoitzaren inguruan. Ikastolako Artezkaritzako kide Alaitz Epeldek, Kilometroak 2024ko koordinatzaile Gorka Artolak, Kilometroak Kultur Elkarteko lehendakari Alaitz Perez de Arenazak eta hainbat ikaslek hartu dute hitza egitaraua aurkezteko agerraldian. Inauterietan ja utzi dute aurtengo jaiaren lorratza, eta egitarau oparoa dute orain aurrean. Horra gertukoenak: Otsailaren 17an hasi eta urriaren 19a bitartean, adibidez, Tutera-Azpeitia bidea egiteko era eskainiko dute, etapa bakoitzean Nafarroako hainbat txoko ezagutzeko, eta leku bakoitzeko egoera soziolinguistikoari ere erreparatzeko. Lagun Onak Mendi Bazkunarekin antolatu dute. Martxoaren 2an Zurak eta ezpalak deitu duten proposamena izango da. Ikastolaren lehen urratsetan jardun zuten haiei ikastetxeko ateak zabalduko dizkiete, eta ikasleei emango diete hitza, aitzindari haiei azal diezaieten zer-nola ikasten duten egun ikastolan. Jai giroan egingo da, «belaunaldien arteko» harremana sustatzeko. Martxoaren 10ean Beskoitzera (Lapurdi) bisita egingo dute, hango ikastola egoera zailean baita bertako herriko etxearen erabakien ondorioz. Ikastolen arteko elkartasun keinu bat izango da, eta elkarren berri izatekoa. Martxoaren 14an Korrika hasiko da, eta horren inguruan ere egingo dituzte ekintzak. Ekainean jaiaren abestia eta bideoklipa aurkeztuko dituzte.

Grezian bizi diren sexu bereko bikoteek aurrerantzean sakonago eta lasaiago hartu ahal izango dute arnasa, itxura guztien arabera, haien ezkontzeko aukera legeztatuko baitute Greziako Parlamentuan. Lehen ministro Kyriakos Mitsotakisek aurkeztutako lege proiektuak hautsak harrotu ditu ia bazter guztietan: batez ere, haren alderdiko kideen eta eskuin muturraren zein Eliza ortodoxoaren jarraitzaileen artean. Edonola ere, behin onartuta, sexu berekoen arteko ezkontzak baimentzen dituen Europako 21. herrialdea bihurtuko da Grezia, eta herrialde kristau ortodoxoen artean lehena. Joan den ekainean egin zuen gobernuburu karguaren zina Mitsotakisek —haren alderdi ND Demokrazia Berriak lortu zuen gehiengo osoa iragan maiatzeko parlamenturako hauteskundeetan—, eta, agerraldi hartan, konpromiso bat hartu zuen: bigarren agintaldian «aldaketa handiak» egitea herrialdean; aldaketa horietako bat litzateke, hain justu, atzo bozkatzekoak ziren lege proiektua. Ezkontzeko aukera izateaz gain, haur bat adoptatzeko eskubidea izango dute sexu bereko bikoteek, eta, seme-alabak dituztenei dagokienez, horiek zaintzeko babes juridiko zabalagoa. iFrameResize({ log: true },’#ezkontzaH’); Legea onartu arte, bikote homosexualak gehienez ere izatezko bikote gisa aitortzen ditu Greziako legediak —2015ean onartu zuten hori—. Baina aitortza horrek ez die bi bikotekideei ematen seme-alaben gaineko babes juridikoa, baizik eta haurraren guraso biologikoari soilik. Lege proiektuak hori aldatuko luke, eta haurraren legezko tutore izango lirateke bi bikotekideak, haurra adoptatua edo biologikoa izan. Horiek hala, legediak barne hartuko ditu herrialdeko LGBTI komunitatearen aspaldiko hainbat eskari. Hori bai, badira erreforma sortatik at geratu diren beste hainbat eskakizun ere; esaterako, hauxe: sexu bereko bikoteek eskubidea izan dezatela haurdunaldi subrogatuaren bidez guraso izateko. Eskaera horren atzean dauden ahotsetako bat da Stefanos Kasselakis, oposizioko alderdi nagusi Syrizako burua. Halere, Mitsotakisen proposamenaren alde posizionatu dira Syriza eta oposizioko beste hiru alderdi ezkertiar. Lege proiektua «nahikoa» ez dela iritzita, ordea, alderdi horietako parlamentari batzuek asteotan esan dute kontra bozkatuko zutela edo abstenitu egingo zirela. Berdin egitekoak ziren Mitsotakisen alderdiko parlamentari kontserbadoreenak, argudiatuta erreforma «gehiegizkoa» dela. Era berean, kontra bozkatzekoak ziren parlamentuan ordezkaritza duten eskuin muturreko hiru alderdietako kideak, baita Alderdi Komunistakoak ere. Edonola ere, nahikoa zen 151k alde bozkatzea —denera, 300 parlamentari daude— proposamenak aurrera egiteko. LGBTI komunitatearen eskubideen alde beste urrats bat egiteaz gain, herrialdeko paisaia politikoa aldrebestu du lege proiektuak: batetik, bloke berean sarrarazi ditu ND eta Syriza; eta, bestetik, barne zatiketa eragin du Mitsotakisen alderdian. Kontra bozkatu eta Mitsotakisen aurka egitearekin ere mehatxu egin du Demokrazia Berriko sektore kontserbadoreenak, haren kargua zalantzan jartzeraino. Eliza eta eskuina, sutan Eskuineko kontserbadoreen artean hautsak harrotu baditu, lege proiektuak are gehiago haserrearazi ditu Greziako eskuin muturra eta Eliza ortodoxoa. Horren adierazle dira, hain zuzen, bi sektore horietako taldeek iragan igandean antolatutako mobilizazioak. Herrialdeko hedabideek emandako datuen arabera, 1.500 eta 4.000 lagun artean irten ziren Atenasko kaleetara. Mobilizazioan eta egunotan egindako prentsaurrekoetan, hainbat gotzainek «gaixotasuntzat» jo dute homosexualitatea, eta zenbaitek ere esan du ez duela sexu bereko pertsonarik ezkonduko. Iruzkin horien harira, «ikuspuntu desberdinak» errespetatzen dituztela esan du Mitsotakisek, baina azpimarratuz «estatuak» agintzen duela, «ez elizak». Eliza kristau ortodoxoak pisu handia du Grezian, bai herrialdeko gizartean, bai paisaia politikoan. Joan den hilean Eteron ikerketa zentroak egindako inkesta baten arabera, biztanleen %56,2 daude sexu berekoak ezkontzearen alde. Kopurua are txikiagoa da Greziako SKAI telebista kate pribatuak asteon egindako inkestan. Horren arabera, biztanleen %46 daude alde, eta %47 kontra.

Zuzendaritzaren eta Tuvisako langileen artean “hurbilketa esanguratsua” gertatu da, Udalaren arabera

Ostiraletik igandera, tren gutxiago ibiliko dira hainbat lineatan. Grebalariek soldata igoerak eta langile-taldea handitzea eskatzen dituzte.

Mecanerreko langileek “herri gisa erantzutea” eskatu dute itxiera saihesteko, eta manifestaziora deitu dute. Manifestazioa deitu dute martxoaren 2an Urdulizen, “etorkizuneko industriaren alde” eta Mecanerren itxieraren aurka.

Ametsetakoa izaten ari zen Realaren jarduna Txapeldunen Ligan. Joko ikusgarria egin zuen multzoen fasean, eta lehen postuan amaitu zuen. Baina kanporaketak iritsi bezain laster zaildu zaio amesten jarraitzea. Txuri-urdinek 2-0 galdu dute Printzeen Parkean, eta Anoetan balentria egin beharko dute hiru aste barru aurrera jarraitzeko. Lehen zati ona egin dute, eta gola egitear egon baitzen atsedenaldi aurreko azken jokaldian. Baina gaizki zaindutako korner bat eta defentsan bigun aritutako jokaldi bat baliatu dituzte Mbappek eta Barcolak golak sartzeko, eta partida eta kanporaketa bideratzeko. Ondo hasi da Reala, goian presio estua eginez, PSGk baloia ateratzeko dituen zailtasunak baliatu asmoz. Eta hasi eta berehala izan du lehen aukera. Marquiñosek ez du baloia ondo aldendu, eta Andre Silvari iritsi zaio. Portugaldarraren errematea gutxigatik joan da kanpora. Baina PSGk gutxi behar du gol aukerak egiteko, eta lehen abaguna Fabian Ruizek izan du. Baina kanpora joan zaio ezkerrarekin egin zuen errematea. Lehen minutu horietan, dena den, Mbappek izan du abagune argiena. 6. minutuan izan da. Zubimendik baloia galdu du, eta Dembeleri ailegatu zaio. Sakonean pase ona eman dio Parisko taldeko izarrari. Buruz buru geratu da Remirorekin, baina atezainak ondo aldendu du erremate gurutzatua. PSGk joan-etorriko partida proposatu du. Hori komeni zitzaion, jokoa asko landu gabe kontraerasoa baliatzeko. Izan ere, horretan primeran moldatzen diren jokalariak ditu, batez ere Mbappe eta Dembele. Realak, ordea, berean jarraitu du. Partidaren erritmoa jaitsi egin du, eta defentsan ere ondo eutsi dio. Nahiz eta Le Normadek txartel horia ikusi duen. Barcolak buruz egindako erremate bat izan da lehen zati horretako beste aukera bakarra. Realak oso adi egon behar zuen leku arriskutsuetan baloiak ez galtzearekin, eta hala egin du. Oso lehen zati ona egin du. Gainera, lan on hori biribiltzetik gertu ego dan, lehen zatiko luzapenean. Merinok langara bidali du baloia, area kanpotik ezkerrez egindako jaurtiketa batean. Hala amaitu da lehen zatia. Bi akats Bigarren zatia lehenengoa baino lasaiago hasi da. Baina PSGren gola iritsi da, korner batean. Traorek min hartu du belaunean, eta kanpora atera da medikuekin. Hark zaintzen zuen Mbappe geldikako jokaldian. Dembelek atera du kornerra, lehen zutoinean buruz jo du Marquiñosek, eta bigarrenean bakar bakarrik Mbappek aurretik jarri du etxeko taldea. 57. minutuan zen. Kolpea izan da gola Imanolek zuzentzen dituen jokalarientzat. Hurrengo minutuetan PSG nagusi izan da, eta gehiago gerturatu da Remiroren atera. Mbappek erremate ona bat egin du, eta Remirok esku on bat atera du. Baloia langara joan da, eta handik kornerrera. Etxekoek nahi zuten lekuan zeukaten partida. Are gehiago 70. minututik aurrera. Izan ere, Barcolak gola egin du. Traore bigun aritu da, eta zelai erdikohegalekoak ondo gainditu du. Bakarrik geratu da Remiroren aurrean, eta ez du barkatu. Hortik aurrera Realak gauza bakarra izan du buruan: hirugarrena ez jasotzea. Asensiok eta Kolo Muanik izan dut horretarako aukera, baina ez dute lortu. Txuri-urdinak, berriz, arriskurik sortu ezinda aritu da. Anoetan izan beharko du.