Zerga aitorpena Internet bidez egiteko eskatu du ogasunak
Aurten, 24,6 milioi euroko saldo negatiboa izango du zerga bilketak, ogasunak 289 milioi itzuli eta 264 milioi jasoko baititu orotara. Iazkoa baino «pixka bat» txikiagoa izango da, baina, Jabier Larrañaga Ogasun diputatuak azpimarratu duenez, «emaitza ona» da, aurreko urteetakoekin konparatuz gero. Batez beste, 963 euro itzuliko dizkie kitapena itzultzeko ateratzen zaien zergadunei.