Abian dira Barakaldoko BECen Osakidetzaren LEParen bigarren fasearen lehenengo azterketak. Larunbat honetan Administrari Laguntzailea eta Erizaintzako laguntzailea kategorietako hautagaien txanda izango da; igandean, berriz, Zerbitzuetako Langileei egokituko zaie.

EH Bilduk “munduan egoteko beste modu bat” defendatu du klima aldaketari aurre egiteko. Koalizioak estrategia energetiko berri baterako oinarriak proposatu ditu, eta energia subiranotasunean jarri du azpimarra.

ZHENGZHOU. Koronabirus kasuak ugarituz doaz Txinan, eta Pekinera ere iritsi dira itxialdiak eta konfinamenduak, herrialdeak ezarritako kutsaturik gabeko estrategia zorrotzaren ondorioz. Egoera luzatzen ari den heinean, herritarren protestak areagotuz doaz. Eta Txinatik kanpo, oihartzun berezia hartu dute Zhengzhoun, Foxconnen lantegian asteazkenean izandako istiluek.

Ordain kontuek piztu dute langileen haserrea Foxconnen. Lantegiak hiri baten neurria du, eta 200.000 beharginek hilabete daramate bakartuta, pandemiari aurre egiteko, Langile gehiago erakartzeko, Foxconn konpainiak —iPhoneak muntatzen ditu Applerentzat— aparteko ordain bat agindu zien langile berriei. Agindutakoa kobratzen ez zutela ikusita, langileek protesta hasi zuten asteazkenean. Egoera baretu nahian, enpresak 1.345 euro inguruko ordain bat agindu die lantegia uztea erabakitzen duten beharginei.

Emilio Titosek erretiroa hartu eta Gasteizko Mercedes lantegia zuzentzeari utziko dio urtarrilaren 1ean

Bizkaiko metalgintzaren mahaia akordiorik gabe amaitu eta greba izango da azaroaren 28tik abenduaren 2ra

Amazonen Euskadiko langileak azaroaren 28an joango dira grebara, Cyber Monday egunarekin bat eginez. Langileek “lan-prekarietatea” salatu dute, eta Amazonek Trapagaranen duen lantokiko hitzarmen propioa aldarrikatu dute.

Aldaketa nabarmena izan da Mercedes-Benzen Gasteizko lantegiaren panorama sindikalean. ELA nagusitasunez gailendu da bozetan, bederatzi ordezkari lortu baititu, orain arte zituenak baino bi gehiago. Hazkunde hori ez da bakarrik iritsi, ordea, LAB eta ESK sindikatuek ere lortu baitute etekinaren zati bat: ordezkari bat gehiago lortu dute biek ala biek. Gauzak horrela, langile batzordearen kontrola erdietsi dute hiru sindikatuek, eta ez dute beste inoren babesik beharko.

Bi ordezkari galdu ditu UGTk, eta ez du lortu uztailean zuzendaritzarekin eta beste sindikatuekin egindako akordioari etekina ateratzea. Ekintzak ere bi ordezkari galdu baititu, eta ez du ordezkaritzarik lortu PIM Plataforma Independenteak. Orain arte zituen lau ordezkariei eutsi die CCOOk, bestalde. Aurreko hauteskundeetan funtsezkoa izan zen CCOO, UGTrekin zuen aliantza historikoa hautsi eta sindikatu abertzaleekin lerratu baitzen gehiengoa osatzeko. Lan hitzarmenaren negoziazioetan, ordea, blokez aldatu, eta itunaren alde egin zuen.

Uztaileko bozketak zauri bat ireki zuen sindikatuen eta langileen artean, eta aurrez aurre jarri zituen bi bloke. Bada, ukaezina da hauteskundeetan izan duen eragina, ezezko blokeak babes handiagoa izan baitu. Baiezkoaren blokeak 11 ordezkari izango ditu, eta ezezkoarenak, hemezortzi. Langile batzorde berriak 29 ordezkari izango ditu: orain zituenak baino bi gutxiago.

Gauzak horrela, langile batzordearen presidentetzari eutsi egingo dio Igor Gebarak (ELA). Haren hitzetan, egoera«errotik irauli» dute, eta argi geratu da langileak ez daudela konforme lan itunarekin, ez eta sindikatuek negoziazioa kudeatzeko izan zuten moduarekin. «Langileak ez zituzten kontuan hartu, eta hori salatu dute orain».

Gebararen ustez, jokalekua «konplikatua» da Mercedesen. Izan ere, 2026ra bitarte lan baldintzak finkatuta badituzte ere, ituna sinatu zutenak gutxiengoan daude orain. Zuzendaritza «hausnarketa» egitera behartuko du, haren esanetan. «Erabaki beharko du ELA, LAB eta ESK alboratzen jarraitu edo gurekin negoziatu nahi duen».

Boto telematikoa, gakoa

Ia 5.000 langile zeuden botoa ematera deituta, eta %87 inguruk eman dute azkenean. Uztailean ez bezala, gutxik erabili dute boto telematikoa: 550 inguru izan ziren lan itunaren bozketan modu hori erabili zutenak, eta 60 inguru izan dira orain. Sindikatu abertzaleek irregulartasunak salatu zituzten orduan, eta hauteskunde hauetan ez erabiltzeko eskatu zuten.

ELAk irabazi ditu hauteskundeak Gasteizko Mercedes Benzen, UGT gaindituta

Garraio publikoan % 50eko deskontua egoten jarraitzea da euskal erakundeen asmoa, gutxienez ekainera arte. EAEko erakundeen nahia da hiritarrek autobusak, Euskotreneko trenak edo Bilboko metroa erabiltzeagatik erdia ordaintzen jarraitzea, lehen seihilekoan behintzat.

Oronak batzarra deitu du abenduaren 16rako, “subiranotasun osoa” berreskuratzeko