«Oso gogorra izan da prozesua, baina harro gaude»
Han zeuden guztiak sindikatuaren areto txiki batean sartu ziren, Amaia Pintado ELAko ordezkariak langileei akordioaren xehetasunak emateko. Hitzaldiak eduki informatiboa izan zuen, baina baita emotiboa ere. Pintadok garbi utzi zien langileei hitzarmena haien lanari esker lortu dela, eta hala baieztatu zuen Mamen Irastorza langileak: «Oso gogorra izan da prozesua, baina harro gaude; itxaropen handia dugu orain. Nahiz eta topiko bat izan, bat eginda indartsuagoak gara, eta gure helburua lortu dugu».
Xanpaina edatera joan aurretik, ospakizun eta txantxa moduan, sari batzuk banatu zizkieten grebalari batzuei: urrezko danborra, bozgorailua eta beste pare bat sari. Izan ere, aitortza egin nahi izan zioten azken asteetako mobilizazioetan langileek erakutsitako «indarrari eta adoreari». Hain zuzen ere, borrokarako ahalmen hori goratu zuen Aintzane Vazquez jantzi denden sektoreko langileak. Haren ustez, atzo amaitu zen greba aurrekari garrantzitsua izan daiteke etorkizuneko lan gatazketarako. Izan ere, azken asteetan «une onak eta txarrak» izan dituzte, langile batzuek greba egiteari utzi baitiote tarteka. «Sinatzen badugu, bihar lan egingo dugu», oihukatu zuten grebalariek mobilizazioetan, eta gaur lanera itzuliko dira, lan baldintza hobeagoekin.
Biharko industriara egokitzeko beharraz
BRTA Basque Research & Technology Alliancek antolatu zuen saioa. Industria adimendua da BRTA osatzen duten zentro teknologikoen ikerketa eremu nagusiena gaur egun. Hamazazpi ikerketa zentro dira aliantzako kide, baina hamahiru ari dira alor horretan lanean. Elkarrekin ari dira, sarean, hain zabala den esparruari modu eraginkorragoan erantzuteko. Bada, orain arte egindakoaren berri emateko eta sektorearen joerak zeintzuk diren aztertzeko baliatu zuten eguna.
Izan ere, Ana Aranzabe BRTAren agendaren koordinatzaileak ohartarazi zuenez, euskal industriak ezinbestean egokitu beharko du digitalizaziora, eta prozesu hori gero eta azkarrago egin beharko dute; besteak beste, testuinguru globalak behartuko dielako. «Batetik, nazioarteko lehia ikaragarria da gaur egun, eta orain arte ez zituen lehiakideak agertzen hasi dira. Eta, bestetik, ingurumen inpaktuaren inguruko politikak gailentzen ari dira. Horrek guztiak aldaketak egitera behartuko gaitu».
Fabrikazioa da Europako ekonomiaren «bizkarrezurra», fabrikatutako produktuen munduko esportatzaile handiena baita orain, eta enpleguaren %22 inguru dago hari lotuta. Baina Aranzabek ohartarazi zuenez, «indarra galtzen ari da». Eta, beraz, haren hitzetan, Arabako, Bizkaiko eta Gipuzkoako industria ere ez dago joera horretatik salbuetsita, industria jardueraren %86 eta enpleguaren %19 manufaktura baitziren, 2019ko datuen arabera.
Bost erronka
Egoera horri aurre egin eta enpresek dituzten beharrei erantzun ahal izateko, BRTA aliantzako kide diren ikerketa zentroek bide orri bat eta bost erronka adostu dute guztien artean; bost ikerketa ildo zerrendatu dituzte: arrastorik gabeko material aurreratuak, makina adimendunak, ekoizpen prozesu jasangarriak, produktu adimendunak, eta datuetan oinarritutako negozio eta zerbitzu eredu berriak.
Ildo horien araberako proiektuak garatzen ari dira zentro teknologikoak, eta horietako batzuk azaldu zituzten ikerlariek, bideo bidezko azalpen laburretan. Nanoguneko arduradunek, esaterako, nanomaterialak eta ehungintza industria lotzen dituen proiektu bat ezagutarazi zuten, arropari ezaugarri berriak eman ahal izateko. Ikerlaneko eta Teknikerreko ikerlariek, berriz, makinek luzaroan irauteko, eta haien eraginkortasuna eta fidagarritasuna hobetzeko garatzen ari diren tekniken berri eman zuten. Biomaguneko adituek, bestalde, osasungintzarako material berrien inguruko pare bat proiektu aurkeztu zituzten.
Orotara, 50 bat proiektu ezagutarazi zituzten jardunaldian. Bada, Ricardo Bueno BRTAko zuzendari nagusiaren hitzetan, adibide horiek erakusten dute ari direla agertoki berrira egokitzen, eta adierazi zuen orain erronka dela euskal enpresei hori guztia ezagutaraztea.
Gipuzkoak bidegabe kobratutako bidesariak itzuli beharko dizkie hiru kamioilariri
Gipuzkoak bidegabe kobratutako bidesariak itzuli beharko dizkie hiru kamioilariri
EAEko Auzitegi Nagusiak bertan behera utzi du Gipuzkoan erretiro-sariak…
EAEko Auzitegi Nagusiak bertan behera utzi du Gipuzkoan erretiro-sariak kentzeko erabakia
Donostiako autobus geltokia eta Bilboko Intermodala, Azora funtsaren esku
Donostiako autobus geltokia eta Bilboko Intermodala, Azora funtsaren esku
Erretiroa hartzeko adina 64 urtera igotzea proposatu du Macronen…
Erretiroa hartzeko gutxieneko adina 64 urtera igotzea proposatu du Macronen Gobernuak
Kultura eta arte sektorerako langabeziagatiko lehen prestazio berezia onartu…
Kultura eta arte sektorerako langabeziagatiko lehen prestazio berezia onartu dute. Neurriak 70 000 afiliatu ingururi eragin diezaieke, gaur egun artista gisa Erregimen Orokorrean nahiz Langile Autonomoen Erregimenean sartuta daudenei alegia.
Bizkaiko metalgintzaren gatazkan Eusko Jaurlaritzaren bitartekaritza eskatu dute CCOO,…
Lan eta Enplegu Sailetik dagoeneko esan dute prest daudela bitarketari lanak egiteko, betiere, bi aldeek hori eskatzen badute.
Iberiar salbuespena 2024ko amaierara arte luzatzeko eskatuko dio Espainiak…
Iberiar salbuespena 2024ko amaierara arte luzatzeko eskatuko dio Espainiak Bruselari. Era berean, gasaren topea orduko 45 edo 50 megawatten inguruan mantentzeko eskatuko du Espainiako Gobernuak.