Grezian bizi diren sexu bereko bikoteek aurrerantzean sakonago eta lasaiago hartu ahal izango dute arnasa, itxura guztien arabera, haien ezkontzeko aukera legeztatuko baitute Greziako Parlamentuan. Lehen ministro Kyriakos Mitsotakisek aurkeztutako lege proiektuak hautsak harrotu ditu ia bazter guztietan: batez ere, haren alderdiko kideen eta eskuin muturraren zein Eliza ortodoxoaren jarraitzaileen artean. Edonola ere, behin onartuta, sexu berekoen arteko ezkontzak baimentzen dituen Europako 21. herrialdea bihurtuko da Grezia, eta herrialde kristau ortodoxoen artean lehena. Joan den ekainean egin zuen gobernuburu karguaren zina Mitsotakisek —haren alderdi ND Demokrazia Berriak lortu zuen gehiengo osoa iragan maiatzeko parlamenturako hauteskundeetan—, eta, agerraldi hartan, konpromiso bat hartu zuen: bigarren agintaldian «aldaketa handiak» egitea herrialdean; aldaketa horietako bat litzateke, hain justu, atzo bozkatzekoak ziren lege proiektua. Ezkontzeko aukera izateaz gain, haur bat adoptatzeko eskubidea izango dute sexu bereko bikoteek, eta, seme-alabak dituztenei dagokienez, horiek zaintzeko babes juridiko zabalagoa. iFrameResize({ log: true },’#ezkontzaH’); Legea onartu arte, bikote homosexualak gehienez ere izatezko bikote gisa aitortzen ditu Greziako legediak —2015ean onartu zuten hori—. Baina aitortza horrek ez die bi bikotekideei ematen seme-alaben gaineko babes juridikoa, baizik eta haurraren guraso biologikoari soilik. Lege proiektuak hori aldatuko luke, eta haurraren legezko tutore izango lirateke bi bikotekideak, haurra adoptatua edo biologikoa izan. Horiek hala, legediak barne hartuko ditu herrialdeko LGBTI komunitatearen aspaldiko hainbat eskari. Hori bai, badira erreforma sortatik at geratu diren beste hainbat eskakizun ere; esaterako, hauxe: sexu bereko bikoteek eskubidea izan dezatela haurdunaldi subrogatuaren bidez guraso izateko. Eskaera horren atzean dauden ahotsetako bat da Stefanos Kasselakis, oposizioko alderdi nagusi Syrizako burua. Halere, Mitsotakisen proposamenaren alde posizionatu dira Syriza eta oposizioko beste hiru alderdi ezkertiar. Lege proiektua «nahikoa» ez dela iritzita, ordea, alderdi horietako parlamentari batzuek asteotan esan dute kontra bozkatuko zutela edo abstenitu egingo zirela. Berdin egitekoak ziren Mitsotakisen alderdiko parlamentari kontserbadoreenak, argudiatuta erreforma «gehiegizkoa» dela. Era berean, kontra bozkatzekoak ziren parlamentuan ordezkaritza duten eskuin muturreko hiru alderdietako kideak, baita Alderdi Komunistakoak ere. Edonola ere, nahikoa zen 151k alde bozkatzea —denera, 300 parlamentari daude— proposamenak aurrera egiteko. LGBTI komunitatearen eskubideen alde beste urrats bat egiteaz gain, herrialdeko paisaia politikoa aldrebestu du lege proiektuak: batetik, bloke berean sarrarazi ditu ND eta Syriza; eta, bestetik, barne zatiketa eragin du Mitsotakisen alderdian. Kontra bozkatu eta Mitsotakisen aurka egitearekin ere mehatxu egin du Demokrazia Berriko sektore kontserbadoreenak, haren kargua zalantzan jartzeraino. Eliza eta eskuina, sutan Eskuineko kontserbadoreen artean hautsak harrotu baditu, lege proiektuak are gehiago haserrearazi ditu Greziako eskuin muturra eta Eliza ortodoxoa. Horren adierazle dira, hain zuzen, bi sektore horietako taldeek iragan igandean antolatutako mobilizazioak. Herrialdeko hedabideek emandako datuen arabera, 1.500 eta 4.000 lagun artean irten ziren Atenasko kaleetara. Mobilizazioan eta egunotan egindako prentsaurrekoetan, hainbat gotzainek «gaixotasuntzat» jo dute homosexualitatea, eta zenbaitek ere esan du ez duela sexu bereko pertsonarik ezkonduko. Iruzkin horien harira, «ikuspuntu desberdinak» errespetatzen dituztela esan du Mitsotakisek, baina azpimarratuz «estatuak» agintzen duela, «ez elizak». Eliza kristau ortodoxoak pisu handia du Grezian, bai herrialdeko gizartean, bai paisaia politikoan. Joan den hilean Eteron ikerketa zentroak egindako inkesta baten arabera, biztanleen %56,2 daude sexu berekoak ezkontzearen alde. Kopurua are txikiagoa da Greziako SKAI telebista kate pribatuak asteon egindako inkestan. Horren arabera, biztanleen %46 daude alde, eta %47 kontra.

Zuzendaritzaren eta Tuvisako langileen artean “hurbilketa esanguratsua” gertatu da, Udalaren arabera

Ostiraletik igandera, tren gutxiago ibiliko dira hainbat lineatan. Grebalariek soldata igoerak eta langile-taldea handitzea eskatzen dituzte.

Mecanerreko langileek “herri gisa erantzutea” eskatu dute itxiera saihesteko, eta manifestaziora deitu dute. Manifestazioa deitu dute martxoaren 2an Urdulizen, “etorkizuneko industriaren alde” eta Mecanerren itxieraren aurka.

Ametsetakoa izaten ari zen Realaren jarduna Txapeldunen Ligan. Joko ikusgarria egin zuen multzoen fasean, eta lehen postuan amaitu zuen. Baina kanporaketak iritsi bezain laster zaildu zaio amesten jarraitzea. Txuri-urdinek 2-0 galdu dute Printzeen Parkean, eta Anoetan balentria egin beharko dute hiru aste barru aurrera jarraitzeko. Lehen zati ona egin dute, eta gola egitear egon baitzen atsedenaldi aurreko azken jokaldian. Baina gaizki zaindutako korner bat eta defentsan bigun aritutako jokaldi bat baliatu dituzte Mbappek eta Barcolak golak sartzeko, eta partida eta kanporaketa bideratzeko. Ondo hasi da Reala, goian presio estua eginez, PSGk baloia ateratzeko dituen zailtasunak baliatu asmoz. Eta hasi eta berehala izan du lehen aukera. Marquiñosek ez du baloia ondo aldendu, eta Andre Silvari iritsi zaio. Portugaldarraren errematea gutxigatik joan da kanpora. Baina PSGk gutxi behar du gol aukerak egiteko, eta lehen abaguna Fabian Ruizek izan du. Baina kanpora joan zaio ezkerrarekin egin zuen errematea. Lehen minutu horietan, dena den, Mbappek izan du abagune argiena. 6. minutuan izan da. Zubimendik baloia galdu du, eta Dembeleri ailegatu zaio. Sakonean pase ona eman dio Parisko taldeko izarrari. Buruz buru geratu da Remirorekin, baina atezainak ondo aldendu du erremate gurutzatua. PSGk joan-etorriko partida proposatu du. Hori komeni zitzaion, jokoa asko landu gabe kontraerasoa baliatzeko. Izan ere, horretan primeran moldatzen diren jokalariak ditu, batez ere Mbappe eta Dembele. Realak, ordea, berean jarraitu du. Partidaren erritmoa jaitsi egin du, eta defentsan ere ondo eutsi dio. Nahiz eta Le Normadek txartel horia ikusi duen. Barcolak buruz egindako erremate bat izan da lehen zati horretako beste aukera bakarra. Realak oso adi egon behar zuen leku arriskutsuetan baloiak ez galtzearekin, eta hala egin du. Oso lehen zati ona egin du. Gainera, lan on hori biribiltzetik gertu ego dan, lehen zatiko luzapenean. Merinok langara bidali du baloia, area kanpotik ezkerrez egindako jaurtiketa batean. Hala amaitu da lehen zatia. Bi akats Bigarren zatia lehenengoa baino lasaiago hasi da. Baina PSGren gola iritsi da, korner batean. Traorek min hartu du belaunean, eta kanpora atera da medikuekin. Hark zaintzen zuen Mbappe geldikako jokaldian. Dembelek atera du kornerra, lehen zutoinean buruz jo du Marquiñosek, eta bigarrenean bakar bakarrik Mbappek aurretik jarri du etxeko taldea. 57. minutuan zen. Kolpea izan da gola Imanolek zuzentzen dituen jokalarientzat. Hurrengo minutuetan PSG nagusi izan da, eta gehiago gerturatu da Remiroren atera. Mbappek erremate ona bat egin du, eta Remirok esku on bat atera du. Baloia langara joan da, eta handik kornerrera. Etxekoek nahi zuten lekuan zeukaten partida. Are gehiago 70. minututik aurrera. Izan ere, Barcolak gola egin du. Traore bigun aritu da, eta zelai erdikohegalekoak ondo gainditu du. Bakarrik geratu da Remiroren aurrean, eta ez du barkatu. Hortik aurrera Realak gauza bakarra izan du buruan: hirugarrena ez jasotzea. Asensiok eta Kolo Muanik izan dut horretarako aukera, baina ez dute lortu. Txuri-urdinak, berriz, arriskurik sortu ezinda aritu da. Anoetan izan beharko du.

Eskuin muturrarekin lotura luketen PSGko hamabi jarraitzaile atxilotu zituen atzo gauean Frantziako Poliziak Parisen, hainbat realzaleri eraso egin nahi zietelakoan. Txapeldunen Ligako final zortzirenetako lehia dute Reala eta PSGk asteazken arrats honetan. Poliziaren iturriak aipatuta AFP agentziak adierazi duenez, hainbat realzale Parisko Les Halles auzoko taberna batean zeuden tragoak hartzen. Handik gertu, burua lepoko beltzez estalia zuten hainbat gizabanako identifikatu zituzten, eskuin muturrarekin lotzen dituztenak. Parisko Polizia Prefeturako informazio zerbitzuen arabera bi klubetako jarraitzaileen artean istiluak gertatzeko arriskua identifikatua zuten.

Ertzaintzak jaurtigai bat erabilita adingabe bat zauritu izanak beste behin ekarri du hizpidera poliziek istiluetarako erabiltzen duten materiala. Eta, foam jaurtigaiez harago, datuek erakusten dute nabarmen handitu dela Eusko Jaurlaritzak muniziorako erabilitako diru kopurua. Aurtengo aurrekontuetan 1,4 milioi euroko diru sail bat gorde du Segurtasun Sailak muniziorako —aurrekontuetan ez dira bereizita ageri munizio motak—. Hazkundea nabarmena da 2020ko datuarekin alderatuta; urte horretako aurrekontuan, 620.000 euro gorde zituen Jaurlaritzak, eta, beraz, lau urtean %138 handitu dira bala, foam eta abarretarako sosak. 2020tik 2023ra, Jaurlaritza urtez urte handituz joan zen muniziorako diru saila; 620.000 eurokoa zen 2020an; 894.553 eurokoa 2021ean, eta 1.355.126 eurokoa 2022an. Goia iaz jo zuen: 1.692.101 euro xahutu zituen material horietan, hiru urte lehenagoko gastua baino milioi bat gehiago. %173ko hazkundea da hori. Iaztik aurtengo kontuetara, ordea, %13 murriztu da gastua, 1.476.460ra. 24.420 kartutxo 2020an Foamari dagokionez, Ertzaintzak liskarren kontra erabiltzen duen materialari buruzko informazioa topa daiteke Segurtasun Sailak munizioa erosteko eginiko kontratuetan. Hain justu, Jaurlaritzak 2020ko martxoan gauzatu zuen 40 milimetroko kalibrea duten jaurtigai ez hain hilgarri horiek erosteko prozedura, 2020-2021 aldirako izan zitzaketen beharrak kalkulatuta. Gobernuak 899.998 euro gastatu zituen erosketa hartan: 24.420 kartutxo erosi zituen —SIR ereduko 16.525 eta SIRX-eko 7.895—. Legeak hala ahalbidetuta, publizitaterik gabe gauzatu zuen prozedura osoa. Gobernuak 899.998 euro gastatu zituen erosketa hartan: besteak beste, 24.420 kartutxo erosi zituen —SIR ereduko 16.525 eta SIRX-eko 7.895—. Legeak hala ahalbidetuta, publizitaterik gabe gauzatu zuen prozedura osoa, diru kopuru horretako kontratuak normalean lehiaketa publiko bidez banatzen badira ere. Hori horrela egin ahal izateko, 2019ko abenduaren 16ko data duen agiri batean, Josu Bujanda ertzainburuak argudiatu zuen Ertzaintza aurrez ere erabiltzen ari zela B&T enpresako SIR eta SIR-X modeloetako munizioa, erosketa hori aurrez hornitutako materialaren bidalketa osagarriak egiteko zela, eta, beraz, beste munizio bat erosteak ezinezko egingo lukeela Ertzaintzak aurretik zeuzkan jaurtigaiak erabiltzea; areago, poliziek formakuntza jasoa zutela eredu jakin bat erabiltzeko, eta hura aldatzeak ezinezko egingo lukeela arma berriak «segurtasunez eta eraginkortasunez» erabili ahal izatea. Badira elementu gehiago kontratu hori lehiaketa publikorik gabe emateko: adibidez, Eurodis System SL enpresak daukala munizio mota horren banaketarako eskubide esklusiboak. Ezaugarri batzuk ere zehazten dira kontratuan: materiala Ertzaintzari eman baino hamabi hilabete lehenago egon behar zuen fabrikatua, eta bi motatakoak erosi zituzten, jaurti beharreko distantziaren araberakoak: 50 metrorainokoak edo 70 metrorainokoak. Aurrenekoek 70 gramo inguruko pisua dute, eta besteek, 80 bat gramokoa. Kanoiaren energian dago aldea: 116 julio ditu lehenbizikoak eta 176 bigarrenak. Batez besteko abiadura ere ezberdina da: segundoko 85 metroko abiadura hartzen dute distantzia motzekoek, eta segundoko 105 metrokoa luzekoek. Material horiek eragin dezaketen arriskuaz, ordea, eztabaida dago. Katalunian, polizia ereduari buruzko eztabaidaren testuinguruan, erabaki dute SIRX modeloko jaurtigaiak erretiratzea ekaina baino lehen. Han, 2021eko apiriletik da publiko mossoek liskarren kontrako materiala erabiltzeko protokoloa. BERRIAk bildutako argazkiek erakusten dute Ertzaintzak bi modeloetakoak erabili zituela Tolosan. Ertzaintzaren jardunbideak, sekretupean Istiluen aurkako materialaz Ertzaintzak egiten duen erabilera ezin da ulertu Iñigo Cabacas zenaren hilketa aintzat hartu gabe. 2012ko apirilaren 5ean Ertzaintzak pilotakada batez Athleticeko zalea hil izana mugarri bat izan zen liskarren aurkako armen erabileran, haren ondotik taxutu baitziren gaur egun Ertzaintzaren jarduera arautzen duten protokoloak. Gomazko piloten erabilera 1997ko agindu batek zedarritzen zuen, baina, Cabacas hil eta hilabete eskasera, Eusko Jaurlaritzako Segurtasun sailburuak —orduan oraindik PSE Jaurlaritzan zela— 73. instrukzioa eman zuen, armamentu, munizio eta liskarren aurkako beste elementu batzuen erabilera eta kontrola arautzeko. Jaurlaritzak helburu gisa jarri zuen gomazko pilotarik gehiago ez erabiltzea 2013ko urtarriletik aurrera. Jaurlaritzak 74. instrukzioarekin osatu zuen arau hori 2013ko apirilaren 16an, EAJ jada gobernuan zela, eta, hala, pilota jaurtigailuak nola erabili arautu zuen. Testu horrek jasotzen du foam jaurtigailuak nola erabili. Zer diote bi instrukzioek? Zaila da jakitea, Jaurlaritzak sekretupean dauzkalako, segurtasun arrazoiak argudiatuta. 2014an, adibidez, Cabacasen auziaren ikerketa aldian, Jaurlaritzak uko egin zion 6. eta 73. instrukzioak epailearen esku uzteari, eta eduki jakin batzuk baino ez zituen ezagutarazi, dokumentuak osorik epailearen esku jarri gabe. Orduko Segurtasun sailburuak, Estefania Beltran de Herediak, Eusko Legebiltzarrean azaldu zuen gobernuaren lankidetza «erabatekoa» zela ikerketarekin, baina agiri horiek sekretupekoak zirela. 2019an eta 2021ean, Julen Arzuaga EH Bilduko legebiltzarkideak 74. instrukzioa eskatu zion Segurtasun Sailari, baina orduan ere ezetz erantzun zuen Lakuak. BERRIAk bi arauak eskatu dizkio Ertzaintzari, baina hark erantzun du ezin duela informazio hori helarazi. [articles:1287505]

119 administrari plaza airean daude Gipuzkoan, euskara dela eta LEPari jarritako errekurtsoagatik. Elkarretaratzea deitu dute ostiral honetarako, otsailaren 16rako, Donostiako Gipuzkoa plazan.

Gizarte taldeek helegitea aurkeztu dute DSBEren araudiagatik, “laguntza jasotzeko aukera mugatutzen” baitu. Salatu dutenez, “pobretuenak kriminalizatzen dituen irizpide baztertzailea” sartzen du etxebizitza eskuratzeko laguntzetarako.

Euskadik nazioarteko merkatuetan oinarrituko du bere turismo-kanpaina. Hala, urtaroen arteko desestazionalizazioa, egonaldiaren luzapena eta gastuaren igoera bultzatu nahi dira.