Aste beltza izan da lan segurtasunaren arloan: astebetean hiru beharginek galdu dute bizia. Horrekin kezkatuta, hainbat lagunek elkarretaratzea egin zuten atzo Donostian, Eusko Jaurlaritzaren egoitzaren aurrean, gehiengo sindikalak deituta. Lan istripuak erakunde publikoen ardura ere badirela azpimarratu zuten. «Zoritxarrez, berriz elkartu behar izan gara beste lan heriotza batzuk salatzeko», adierazi zuen ELAko Maia Beitiak. Izan ere, urte hasieratik hona 39 behargin hil dira; horietatik hiru azkeneko astean: Urretxuko Usabiaga almazenetako langile bat eta Donostiako Garbiketa enpresako beste bat, heriotza ez-traumatikoetan; eta orga batek harrapatuta, Construcciones Moyuako beste bat, Ormaiztegin.

Horiez gain, aurreko asteetan basolanetan ari zirela hildako langileak gogoratu zituen LABeko Gema Pousak, eta haien egoera «guztiz prekarioa» dela salatu zuen. ELAko bozeramaileak, halaber, uztailaren 30ean bere buruaz beste egin zuen Luis Enrique Soriano gaztearen kasua aipatu zuen, eta azpimarratu zuen Azpeitiko tailer batean hilik aurkitutako langilea ere «baldintza prekarioetan» ari zela.

Heriotzak aipatzeaz gain, sindikatuetako eledunek azpimarratu zuten lan istripuek ere gaixoaldi ugari eragiten dituztela. Pousak azaldu zuenez, aurtengo lehen zazpi hiletan, Araban, Bizkaian eta Gipuzkoan 21.520 beharginek utzi behar izan dituzte beren lantokiak aldi baterako. Iazko datuekin alderatuta, aurtengoa «larritzeko modukoa» dela azpimarratu zuen, 3.400 gehiago izan baitira.

Egoera ikusirik, heriotzen erantzuleak direla uste dutenei mintzatu zitzaizkien sindikatuetako bi bozeramaileak. «Argi dago patronalak irabazi ekonomikoak langilearen osasunaren gainetik jartzen dituela, eta horrek ezin du horrela jarraitu», esan zuen Beitiak, eta honako hau gaineratu zuen: «Erakunde publikoek ez dute ezer egiten, eskuak garbitzen dituzte, eta salatu nahi dugu haien erantzukizuna ere badela».

Pousak bat egin zuen Beitiaren hitzekin. «Hiltzen duen lan eredu hau eteteko zer egingo duzue?», galdetu zien erakundeei, eta zuzeneko eskaera bat egin zien «Jar ezazue egoera larri hau zuen agenda politikoaren erdigunean». Hildako langileen gertukoak ere izan zituzten gogoan. «Behargin bakoitzak familia, lagunak, kideak… ditu, eta horiek ere lan eredu prekario honen eraginak sufritzen dituzte», azpimarratu zuen Pousak, eta administrazioei mintzatu zitzaien beste behin: «Zer esango diezue haiei?».

Lan-istripuak euren agenden erdigunean jar ditzatela exijitu diete sindikatuek administrazioei. ELA, LAB, ESK, Steilas, EHNE eta Hiru sindikatuek elkarretaratzea egin dute ostiral eguerdian Donostian, lan-istripuen aurka. Era berean, azken sei egunetan lanean hiru pertsona hil direla salatu dute.

Uztailean % 62,5 hazi da turisten kopurua EAEko hoteletan. Kopuru hori 2019ko datuak (pandemiaren aurrekoak) baino % 10,9 baxuagoak dira oraindik. Sarreren % 67 estatukoak dira eta Donostia da okupazio maila altuena duen hiriburua, % 69rekin.

Argindarraren prezioa berriro garestituko da ostiral honetan: 117,14 euro megawatt orduko (MWh), eta bigarren marka historikoa hautsiko du 2021eko abuztuaren 21ean. Energia elektrikoaren prezioa joan den asteko zifretara itzuliko da, bost errekor hautsi baitziren, azkena ostiralean (117,29 euro/MWh)

Espainiako Gobernuak espedientea ireki dio Iberdrolari Zamorako urtegi batean egindako husteagatik. Ricobayoko urtegia da; edukieraren % 10etik baino zertxobait bat gehiago du beteta, azken asteotan egindako hustuketaren ondorioz. EH Bilduk eta ERCk Sanchez Galan Kongresuan agertzea eskatu dute.

Lan-istripuen kopuruak % 19 egin du gora EAEn uztailera arte: 2020an baino 3.400 gehiago izan dira. Gorakada Euskadiko hiru lurraldeetan jazo da: Araban, % 23,5 hazi da; Bizkaian, % 19,8; eta Gipuzkoan, % 16,4.

Euskaltelek agur esan dio Burtsari, MasMovilek erosteko eskaintza publikoa egin ostean. Operadorea 2015etik izan da Burtsan, 2021eko abuztuaren 17ra arte, eta akzioko 10,94 euroko balioarekin utzi dio kotizatzeari.

ELA, LAB, ESK, Steilas, EHNE eta Hiru sindikatuek elkarretaratzea egingo dute ostiralean, lan-istripuen aurka. Donbostian egingo dute, eguerdian. Sindikatuek, protestan, salatuko dute “azken sei egunetan hiru pertsona hil direla lanean”.

EAEko Udaltzaingoetako lanpostuak betetzeko prozesua ireki dute. Bitartekotasunean izango diren agenteen lan-poltsa sortuko dute; aurreikuspena da Udalek abendutik aurrera izatea eskuragarri poltsa hori.

URRETXU. Makinak harrapatu eta gero, suhiltzaileak joan ziren atzo arratsaldean, Usabiaga enpresara, baina langilea bertan hil zen, Jaurlaritzako Segurtasun Sailak jakinarazi duenez. Urretxuko Mugitegi industriagunean izan zen lan istripu hilgarria, Usabiaga enpresan. Enpresa horretako langile bat Fenwich batek harrapatu zuen beharrean ari zela. Larrialdietara deitu ondoren, suhiltzaileak eta anbulatziak bertaratu ziren, baina behargina hil egin zen fabrikan bertan. Herenegun, berriz, Construcciones Moyua enpresarentzat Ormaiztegin (Gipuzkoa) lan egiten zuen 54 urteko gizon bat hil zen. Lan istripuen zerrenda azkar luzatzen ari da aste honetan, dagoeneko hiru baitira azken egunetan hildako beharginak lanean. Beste biak istripu ez traumatikoetan zendu dira, azkena herenegun, Ormaiztegin.