ELA sindikatuak uste du Espainiako Gobernuak, patronalak eta UGT eta CCOO sindikatuek adostutako erreformak “murrizketa larriak” ekarriko dituela eta Gobernuari etorkizunean murrizketa berriak egiteko “txeke zuria” ematea dakarrela.

Helburua da Kultura eta Sormen Industriei (KSI) lotutako enpresen kudeaketa profesionalizatzen eta lehiakortasuna hobetzen laguntzea.
Kultura eta Sormen Industriak Euskal Autonomia Erkidegoko enpresen eta langileen % 9,9 dira eta, bertan 45.365 pertsona inguru lanean arituz, enpleguaren % 5,31

Baikortasunaren haizea jotzen ari da Bruselan. Maiatzean egindako iragarpenak zaharkituta geratu zaizkio Europako Batzordeari, txertaketak aurrera egin ahala, ekonomia uste baino suspertze handiagoa izaten ari delako. Batzordeak kalkulatu du eurogunean zein Europako Batasun osoan barne produktu gordina %4,8 haziko dela aurten, eta %4,5 2022. urtean. 2021erako hazkunde iragarpen hori udaberrian egindakoa baino 0,6 puntu handiagoa da Europako Batasunaren kasuan, eta 0,5 puntu handiagoa euroguneari dagokionez. Halako hazkunderik ez da gertatu 1976az geroztik, baina orduan bederatzi kide zituen batasunak, eta ez zuen iazko jipoirik jaso.

Susperraldi bizkorraren ondorioz, Bruselak uste du euroguneko ekonomiak aurretik uste baino hiruhileko bat lehenago berreskuratuko duela pandemia aurreko BPG erreala; hots, aurtengo azken hiruhilekoan. Edonola ere, herrialde batetik bestera bada aldea, eta haietako askok 2022ra arte itxaron beharko dute krisi aurreko neurrira heltzeko.

Europako ekonomiak uste baino portaera hobea izan zuen urteko lehen hiruhilekoan, eta bigarrenean, osasun egoera hobetu ahala, espero baino bizkorrago arindu dira murrizketak, batez ere zerbitzuen sektorearen mesedetan. Orain, txertatzeak martxa onean doazela, herritarren eta enpresen sentimenduei buruzko inkestei begira, Europako Batzordeak kontsumo pribatuaren eta inbertsioen gorakada sendoa espero du. Uste du horrek konpentsatuko dituela, neurri batean, lehengaien behin-behineko eskasiak eta manufakturako kostuen igoerak eragindako kaltea.

Hala ere, ziurtasun gabeziak eta arriskuak hor daude, eta bi mehatxu dira handienak Batzordearentzat: batetik, COVID-19aren aldaera berriak daude, eta txertaketa bizkortzea oso garrantzitsua izango da horri aurre egiteko. Bestetik, inflazioa ere kezka iturri da. Aurreikusi baino handiagoa izan daitekeela uste du Batzordeak, eskaintza murrizketek hor jarraitzen badute eta prezioen presioa kontsumitzaileengana iristen bada.

Turismoaren pisua

Herrialdeka, turismoaren eragina antzematen da datuetan. Sektore horrekiko menpekotasun handiena duten estatu kideak izan ziren 2020an kolpe handiena jaso zutenak, Espainia ( -%10,6), Italia (-%8,9), Grezia (-%8,2), Kroazia (-%8) eta Frantzia (-7,9) buru zituztela. Eta nazioarteko turismoa erdizka baizik itzuli ez den arren, haiek izango dute, oro har, erreboterik handiena: %6,2 Espainiak, %6 Frantziak, %5,4 Kroaziak eta %5 Italiak.

Tubacexeko batzordeak langileak “baldintza berdinekin” berriz hartzeko eskatu dio enpresari. 145 eguneko grebaren ostean, batzordeak langileen babesa eskertu nahi izan du, eta bilera egiteko eskatu dio zuzendaritzari, “aldagai guztiak argitzeko”.

Basoko langile bat hil da 2021eko uztailaren 7an lan-istripu batean Muxikan (Bizkaia). Hildakoa 27 urteko Durangoko bizilaguna zen. 2019tik, udalerri horretan eta baso lanetan hil den hirugarren behargina da.

Espainiako Gobernuko Lan ministroa pozik agertu da EAEko Justizia Auzitegi Nagusiak igorritako baliogabetze epaiarekin. CC.OO. Euskadik, bere aldetik, “kaleratze politika gupidagabeak amaitzea” eskatu du.

Pentsioak inflazioarekin batera handitzea onartu du Espainiako Gobernuak. Erreformak erretiroaren borondatezko atzerapena sustatzen du, pizgarri handiagoekin, eta iraunkortasun-faktorea indargabetzen da, beste batekin ordezkatzeko.

Euskal Enplegu Publikoaren eredu propioa finkatzeko lege-proiektua onartu du Eusko Jaurlaritzak Lege-proiektuak euskal administrazio publikoetan lan egiten duten 100.000 langile baino gehiagoren jarduera arautzen du

EAEko Auzitegi Nagusiak Tubacexek Laudioko eta Amurrioko (Araba) lantegietan egindako 129 kaleratzeak baliogabe jo ditu, eta horrenbestez, zuzendaritzak berriro hartu beharko ditu beharginok.