‘Arabako Mahastiak’ jatorri-izena erregistratzeko izapideak amaitu ditu Eusko Jaurlaritzak. Europako Batzordeak hartuko du azken erabakia. 2021eko martxoak 25.

Kutxabankek eta sindikatuetako ordezkarien % 59k hitzarmen kolektiboaren aurre-akordioa adostu dute, bost urtean soldatak % 5,75 igotzea adostuta.

Edukiontzi horietan mota guztietako produktuak daude, besteak beste, EAEko industriarako osagai garrantzitsuak, baita material sanitarioa ere.

Gasteizko Mercedes Benzen lantegian langile bat larri zauritu da gaur goizaldean eta ZIUn dago, makina batek harrapatu ostean.

Europan aurkeztu beharreko plan nazionalean proiektuak sartzeko irizpidea “kalitatea” izan beharko litzatekeela defendatu du, eta ez “autonomiaren kokapena”.

Inbertsio-ahalegina berreskuratzeko eskatu diote eraikitzaileek Administrazioei. Euskal eraikuntzak krisi pandemikoaren eragina jaso du, jarduera murriztuz.

Basque Circular Hub zentroak zerbitzu-zorro zabala eskainiko dio euskal industriari, eta Ihobe sozietate publikoaren bidez kudeatuko da.
2024an, 1200 profesional izango ditu trebatuta ekonomia zirkularraren alorrean, eta 1500 euskal enpresak haren zerbitzuak erabiliko dituzte.
Euskadiko

Agoitzeko fabrika itxi duela eta, Nafarroako Gobernuak 1,7 milioi euro itzultzeko erreklamazioa egin dio Siemens Gamesari. Horrela jakinarazi du Ekonomiaren Garapeneko kontseilari Mikel Irujok, Nafarroako Parlamentuan. Urtarrilaren 26an egin zion gobernuak eskaera ofiziala Siemens Gamesari. Enpresen inbertsioa laguntzeko diru laguntza publiko gisa eman zion Iruñeak konpainiari kopuru hori. 239 langile lanik gabe geratu ziren aurreko urtean, Agoitzeko fabrika itxi ondoren.

Irujok azaldu du enpresa behartuta dagoela inbertsioa jaso ondoren behintzat bost urtez jarduerari eustera Nafarroan. Laguntza publikoa jasotzeko konpromiso hori hamar urtekoa da orubearekin edo eraikinekin lotzen bada. Horregatik itzuli behar du laguntza Siemens Gamesak: 1,7 milioi eta horien interesak ere bai.

Kaleratutako 239 langileetatik 175ek beste fabrikaren batean lana eskatu zuten. Gaur egun, 139k lortu dute beste lan bat, eta 91 enplegu zerbitzu publikoen zerrendan daude. Irujok jakinarazi du Siemens Gamesak Nafarroan ematen dituen 1.500 lanpostuei eutsiko diela, eta enpresak helarazi diola «Nafarroa konpainiaren oinarrizko poloetako bat» dela. Dena den, garbi esan du ez duela inolako informaziorik Agoitzen beste industria proiektu bat abiarazteko legokeen aukera baten inguruan.

«Ez da posible harriak jaurtitzea milioi euro asko inbertitzera eta jarduera ekonomiko bat garatzera datorrenaren aurka». Eusko Jaurlaritzako Ekonomiako Garapeneko sailburu Arantxa Tapia ez dago eroso Euskal Herriko ontziolen sektoreak izan duen erreakzio bortitzarekin Belgikako VGPren aurka. Logistika alorreko talde horrek irabazi du Navalen likidazioa, eta epailearen azken oniritziaren zain dago Sestaoko azpiegituren eta lursailen jabe egiteko. Eta Gasteizko gobernuan bada uste bat: ontziolen jarduera berreskuratu nahi dutenek erakundeak erabili nahi dituztela VGP estu har dezaten, behar bezainbeste zoru saldu edo alokatu dezan ontziola historikoan, industria proiektu baten alde. Likidazioan bigarren lekuan geratu den taldeak, hain zuzen ere, bere industria plana ezagutaraziko die aste honetan hala Bizkaiko Aldundiari nola Jaurlaritzari. Logistikarako erabiliko da Naval, bai, baina garbi dago saio sendo bat martxan dagoela ontziolaren jarduera gal ez dadin.

Euskal Herriko Itsas Foroak jakinarazi du erakundeen eta Navalen ontziolekin lotutako industria jarduera abiatu nahi duen taldearen arteko balizko batzar horren berri. Itsas Foroa oso haserre azaldu da VGPk Naval ohia baliatu nahi duelako logistikarekin baizik loturarik ez duen jarduera baterako; Bizkaiko Merkataritza Ganbera ere oso kritiko azaldu da adjudikazio horrekin, baina 36 milioi euroko eskaintza handiena gertatu da, eta Navalek hartzekodun boteretsuak ditu. Ehun milioi eurotik gorako zorra utzi zuen, izan ere, eta 36 milioi euro horiek hartzekodun handienei zorra itzultzeko balioko dute, zati txiki bat besterik ez bada ere.

Navalen likidazioan eskaintza onenetan bigarrena egin duen partzuergoa (30 milioi euro) saiatu da Belgikako taldearekin harremana egiten, jakiteko akordio bat posible ote den, laster bere jabetza izango den zoruaren zati bat alokatu edo sal dezan. Inork ez daki, ordea, VGPk zer asmo duen auzi horri begira. Jakin beharko litzateke, hasteko, Belgikako taldea gauzatzekoa den logistika proiektua bateragarria ote den ontzigintzako proiektu batekin. Elkarren ondoan egin beharko lituzkete jarduera horiek.

Bitartekaritza lanak

Jokaleku horretan, Eusko Jaurlaritzaren parte hartzea nahiko luke Navalentzat industria plan bat duen taldeak. Jardun industrialaren aldagaia oso garrantzitsua da, eta ez bakarrik sor dezakeen lanpostu kopuruarengatik. Orube industrial gisa kalifikatuta dago Navalen lursaila, eta, enkanteko baldintza agiriaren arabera, lurraren erabileraren %51 jardun industrialerako erabili beharra dago. Aldagai horrek presiorako palanka gisa joka dezan nahi du ontzigintzarekin lotutako proiektua agindu duen taldeak. Baina baliteke VGPk beste planen bat izatea beste era batera betetzeko zoruaren %51 industriarako erabili behar dela dioen baldintza hori, eta bere asmoek ez dute zertan loturarik eduki ontziolen jarduerarekin.

Tapia sailburuak dio VGP taldeak «erraztu» egingo duela Navalen eremuan industria proiektuak egitea; hala helarazi ei dio VGPk. Konpainia pribatuen arteko elkarrizketak egon daitezen nahiko luke Tapiak, Gasteizko gobernuak ez baitu sekula ezkutatu industria proiektuak nahiko lituzkeela Sestaoko ontziola ohian. Baina, bien bitartean, «errespetua» eskatu du VGPrentzat, garbi utzita hark egin duela eskaintzarik onena, eta likidazioaren lehen helburua hartzekodunak direla.

Mercedes-Benz Gasteizko lantegiak ezin izan du saihestu erdieroaleen sektorearen krisiak lantegiaren ekoizpen-gaitasuna eta -erritmoa arriskuan jartzea.