Espainiako Estatistika Institutua (INE) herritarren mugikortasun ohiturak aztertzen hasiko da 2019ko azaroaren 18an, telefono mugikorren datuak oinarri hartuta.

Villarejo auziko epaileak Francisco Gonzalez BBVAko presidente ohia inputatu du ostegun honetan, eroskeria, sekretuak agerraraztea eta ustelkeria egotzita.

Eusko Jaurlaritzak pisu turistikoetan iruzurra antzemateko martxan jarri zuen postontziak 111 salaketa jaso ditu aurreneko hilean. 2019ko azaroak 16.

Pentsiodunek eta jubilatuek Hego Euskal Herriko kaleak hartuko dituzte berriro 2019ko azaroaren 16an, sindikatu, ikasle eta feministen babesarekin.

Espainiako Gobernuak 3.598,20 milioi euro atera ahalko ditu Gizarte Segurantzako erreserbako diru-kutxatik, pentsioen abenduko aparteko ordainsaria ordaintzeko.

Etxeko langileen kotizazioetan antzemandako “irregulartasunetan” erantzukizuna leporatu diote Bidez Bidek eta SOS Arrazakeriak Gizarte Segurantzaren Diruzaintzari.

Ziur Gipuzkoako zibersegurtasun industrialeko zentroak “jaiotza ofiziala” ospatu du ostiral honetan, 2019ko azaroaren 15ean, enpresen “aliatu” gisa.

Pentsio duinak aldarrikatuz, pentsiodunek manifestazioak deitu dituzte 2019ko azaroaren 16an Bilbon, Donostian, Gasteizen, Iruñean, Eibarren eta Tuteran.

Pedro Azpiazu Jaurlaritzako Ogasun eta Ekonomia sailburuak 2019ko azaroaren 14an ekingo dio aurrekontuen inguruko negoziazioari. Elkarrekin Podemosekin bilduko da.

Eusko Legebiltzarrak Eusko Jaurlaritzari eskatu dio “sakon” azter dezala Euskaltelen akzioen erosketa, enpresaren errotzea bermatzeko.